အခန်းကြီး(၂၁)
၁ထာဝရဘုရားသည်၊ အမိန့်တော်ရှိသည်အတိုင်း၊ စာရာကို အကြည့်အရှုကြွတော်မူ၍၊ ဂတိတော် ရှိသည်နှင့် လျော်စွာ သူ၌ပြုတော်မူသဖြင့်၊ ၂စာရာသည် ပဋိသန္ဓြေွစွဲယူ၍၊ ဘုရားသခင်အမိန့်တော်နှင့် ချိန်းချက်သောအချိန်၌၊ အာဗြဟံအသက်ကြီးသောအခါ၊ သူ့အားသားကို ဘွားလေ၏။ ၃အာဗြဟံသည်လည်း၊ မိမိရသောသားတည်းဟူသော၊ စာရာဘွားသောသားကို ဣဇာက်အမည်ဖြင့် မှည့်လေ၏။ ၄ဘုရားသခင်မှာ ထားတော်မူသည် အတိုင်း၊ အာဗြဟံသည် ရှစ်ရက်မြောက်သောနေ့၌၊ သားဣဇာက်ကိုအရေဖျား လှီးမင်္ဂလာပေးလေ၏။ ၅သားဣဇာက်မြင်သော အခါ၊ အာဗြဟံသည် အသက်တရာရှိသတည်း။ ၆စာရာ ကလည်း၊ ငါရယ်ရသောအခွင့်ကို ဘုရားသခင်ပေးတော်မူပြီ။ ဤသိတင်းကို ကြားသောသူအပေါင်း တို့သည်လည်း၊ ငါနှင့်အတူရယ်ကြလိမ့်မည်ဟူ၍၄င်း၊ ၇စာရာသည် သားကို နို့တိုက်လိမ့်မည်ဟု အာဗြဟံအား အဘယ်သူပြောနှင့်ရသနည်း။ သူသည် အသက်ကြီးသောအခါ၊ ငါသည်သားကို ဘွားပြီ ဟူ၍၄င်း ဆိုလေ၏။ ၈ထိုသူငယ် ဣဇာက်သည် ကြီးပွါး၍နို့နှင့် ကွာလေ၏။ နို့ကွာသောနေ့၌ အာဗြဟံသည် ပွဲကြီးလုပ်လေ၏။
၉အဲဂုတ္တု အမျိုးသားဟာဂရတွင် အာဗြဟံရသောသားသည် ဆဲရေးသည်ကို စာရာသိမြင်လျှင်၊ ၁၀ဤကျွန်မ နှင့်သူ၏သားကိုနှင်ထုတ်ပါလော့။ ဤကျွန်မသားသည် အကျွန်ုပ်၏ သားဣဇာက်နှင့် အတူအမွေမခံရဟု၊ အာဗြဟံ အားဆိုလေ၏။ ၁၁အာဗြဟံလည်း၊ မိမိသားဖြစ်သောကြောင့်၊ ထိုအမှုအလွန် ခက်သည်ဟု ထင်လေ၏။ ၁၂သို့ရာတွင် ဘုရားသခင်က၊ ထိုသူငယ်နှင့် သင်၏ကျွန်မကြောင့်၊ ဤအမှု ခက်သည်ဟု မထင်နှင့်။ စာရာပြောလေရာရာ၌ သူ၏ စကားကိုနားထောင်လော့။ အကြောင်းမူကား၊ ဣဇာက်၌သာသင်၏ အမျိုးတည်လိမ့်မည်။ ၁၃ကျွန်မ၏သားသည် သင်၏အမျိုးဖြစ်သောကြောင့်၊ သူ့ကိုလည်း လူမျိုးဖြစ်စေမည်ဟု အာဗြဟံအား မိန့်တော်မူ၏။
၁၄အာဗြဟံသည် နံနက်စောစောထ၍၊ မုန့်နှင့်ရေဘူးကိုယူသဖြင့်၊ ဟာဂရပခုံး၌တင်ပြီးလျှင်၊ သူငယ်ကိုအပ်၍ ကျွန်မကိုလွှတ်လိုက်လေ၏။ သူသည်လည်းသွား၍၊ ဗေရရှေဘ တော၌လှည့်လည်လျက် နေ၏။ ၁၅ဘူး၌ရေကုန်သော အခါ၊ သူငယ်ကိုချုံဖုတ်အောက်၌ထား၍၊ ၁၆ငါသည်သူငယ်သေသည်ကို မမြင်လိုဟု ဆိုလျက်၊ ခပ်ဝေးဝေး၊ လေးတပစ် ခန့်လောက်သွားပြီးလျှင်၊ သူငယ်ရှေ့မှာထိုင်လေ၏။ ထိုသို့ထိုင်၍နေစဉ်၊ သူသည်အသံကိုလွှင်၍ ငိုကြွေးလေ၏။ ၁၇ဘုရားသခင်သည် လုလင်၏အသံကိုကြားတော်မူ၍၊ ဘုရားသခင်၏ ကောင်းကင်တမန်က၊ ဟာဂရ၊ သင်၌အဘယ် အမှုရှိသနည်း။ မစိုးရိမ်နှင့်။ လုလင်နေသောအရပ်ထဲက သူ၏အသံကို ဘုရားသခင်ကြားတော်မူပြီ။ ၁၈ထလော့။ လုလင်ကိုကြွ၍ လက်နှင့်မလော့။ ငါသည် သူ့ကို လူမျိုးကြီးဖြစ်စေမည်ဟု ကောင်းကင်ထဲကခေါ်၍ ဟာဂရအား မြွက်ဆို၏။ ၁၉ထိုအခါ ဘုရားသခင်သည် ဟာဂရ၏မျက်စိကို ဖွင့်တော်မူသဖြင့်၊ သူသည်ရေတွင်းကိုမြင်လေသော်၊ သွား၍ဘူးကိုရေဖြည့်ပြီး လျှင်၊ လုလင်အားရေကိုတိုက်လေ၏။ ၂ဝထိုလုလင်ဘက်၌လည်း၊ ဘုရားသခင်ရှိတော်မူ၏။ သူသည်ကြီးပွါး၍ တော၌ နေသဖြင့်၊ လေးသမားဖြစ်လေ၏။ ၂၁ပါရန်တော၌နေသည်ဖြစ်၍၊ သူ့အမိသည် အဲဂုတ္တုပြည်မှ မိန်းမတယောက်ကို ခေါ်၍ သူနှင့်စုံဘက်စေ၏။
၂၂ထိုရောအခါ၊ အဘိမလက်မင်းနှင့် ဗိုလ်ချုပ်မင်းဖိကောလတို့သည် အာဗြဟံကိုခေါ်၍၊ သင်သည် ပြုလေရာရာ၌ သင့်ဘက်မှာ ဘုရားသခင်ရှိတော်မူ၏။ ၂၃သို့ဖြစ်၍ သင်သည် ငါ့ကို၎င်း၊ ငါ့သားကို၎င်း၊ ငါ့မြေးကို၎င်း၊ မလှည့်စား။ ငါသည် သင်၌ကျေးဇူးပြုသကဲ့သို့၊ ငါ၌၄င်း၊ သင်တည်းနေရာငါ့ပြည်၌၄င်း ကျေးဇူးပြု မည်ဟု ဘုရားသခင်ကို တိုင်တည်၍ ငါ့အားကျိန်ဆိုပါလော့ဟု ပြောဆို၏။ ၂၄အာဗြဟံကလည်း၊ ထိုအတိုင်းငါကျိန် ဆိုပါမည်ဟု ပြန်ပြောလေ၏။ ၂၅အဘိမလက်မင်း၏ ကျွန်တို့သည် အနိုင်အထက်လုယူသော ရေတွင်းအကြောင်း ကြောင့်၊ အာဗြဟံသည်လည်း အဘိမလက်မင်းကိုအပြစ်တင်လေ၏။ ၂၆အဘိမလက်မင်း ကလည်း၊ ဤအမှုကိုအဘယ် သူပြုသည်ကို ငါမသိ။ သင်သည်ငါ့ကိုမပြော။ ငါလည်းယနေ့တိုင်အောင် ကြားရဟု ဆို၏။ ၂၇အာဗြဟံသည်လည်း သိုး၊ နွားတို့ကိုယူပြီးလျှင်၊ အဘိမလက်အားပေး၍ ထိုနှစ်ပါးတို့သည် ပဋိညာဉ်ပြုကြ၏။ ၂၈အာဗြဟံသည်လည်း သိုးသငယ်မခုနစ်ကောင်တို့ကို သိုးစုနှင့်ခွဲထားလေ၏။ ၂၉အဘိမလက် ကလည်း၊ ခွဲထားသော ဤသိုးသငယ်မခုနစ် ကောင်တို့သည်၊ အဘယ်သို့နည်းဟု မေးသော်၊ ၃ဝအာဗြဟံက၊ ဤရေတွင်းကို ငါတူးပြီဟု ဤသိုးသငယ်မခုနစ်ကောင် တို့သည် ငါ့ဘက်၌သက်သေ ဖြစ်မည်အကြောင်း သူတို့ကို သင်သည်င့ါလက်မှခံယူရမည်ဟု ဆိုလေ၏။ ၃၁သို့ဖြစ်၍ ထိုအရပ်၌ ထိုနှစ်ပါး တို့သည် ကျိန်ဆိုသောကြောင့်၊ ထိုအရပ်ကို ဗေရရှေဘဟု တွင်ကြ၏။ ၃၂ထိုသို့ ဗေရရှေဘ အရပ်၌ ပဋိညာဉ် ပြုကြ၏။ အဘိမလက်နှင့် ဗိုလ်ချုပ်မင်းဖိကောလတို့သည် ထ၍ဖိလိတ္တိပြည်သို့ပြန်ကြ၏။
၃၃အာဗြဟံသည် ဗေရရှေဘအရပ်၌ မန်ကျည်းပင်ကိုစိုက်၍၊ အစဉ်အမြဲတည်တော်မူသော ဘုရားသခင်တည်း ဟူသော၊ ထာဝရဘုရား၏ နာမတော်ကို ပဌနာပြုလေ၏။ ၃၄ဖိလိတ္တိပြည်မှာ ကာလ ရှည်ကြာစွာ တည်းနေသတည်း။
